
ఏ పుణ్యచరణాలు చేరినయంతనే
పదునాల్గు లోకాలు పరిఢవిల్లు,
ఏ పాద ధూళి సోకినయంతనే నాదు
తనువెల్ల పులకించి తనివి తీరు,
ఏ పద పీఠము ఈ హృది నిల్పగ
ఆనంద సంద్రాన అలలు పొంగు,
ఏ పద ద్వయమును ఈ చేత తాకంగ
కరతలమ్మంతయు కాంతులీను,
అట్టి నీ పదముల కడకు చేరినయంత
సకల శుభములమర సౌఖ్యమందు
పుణ్య చరిత కొలిచి పునీతంబయ్యెద
ప్రణతులందుకొనుము పావనాంబ!
కామెంట్లు లేవు:
కామెంట్ను పోస్ట్ చేయండి